ಇದು ಕಾಳಜಿಯೋ ಅಥವಾ ಅಣಕವೋ..? ಬಿಜೆಪಿಯ ಮಚ್ ಭಾತ್ ಅಭಿಯಾನಕ್ಕೆ ಬಗ್ಗೆ ಬಂಗಾಳಿಗಳು ಏನಂತಾರೆ..? | West Bengal Elections

ಬಿಜೆಪಿ ಇದುವರೆಗೆ ತನ್ನ ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಘೋಷಿಸಿಲ್ಲವಾದರೂ, ಕೇಂದ್ರ ಸಚಿವೆ ಸುಕಾಂತ ಮಜುಂದಾರ್ ಒಂದು ಮಹತ್ವದ ಸುಳಿವು ನೀಡಿದ್ದಾರೆ. ಬಿಜೆಪಿ ಅಧಿಕಾರಕ್ಕೆ ಬಂದರೆ ಮೀನು ಮತ್ತು ಮೊಟ್ಟೆಗಳನ್ನು ನಿಷೇಧಿಸಲಿದೆ ಎಂಬ ಮಮತಾ ಬ್ಯಾನರ್ಜಿ ಆರೋಪಕ್ಕೆ ಪ್ರತಿಕ್ರಿಯಿಸಿದ ಅವರು, ಬಿಜೆಪಿಯಿಂದ ಬಂಗಾಳದ ಮುಂದಿನ ಮುಖ್ಯಮಂತ್ರಿ ಖಂಡಿತವಾಗಿಯೂ ಮಾಂಸಾಹಾರಿಯೇ ಆಗಿರುತ್ತಾರೆ. ನಾವೆಲ್ಲರೂ ಪ್ರತಿದಿನ ಮಾಂಸಾಹಾರ ಸೇವಿಸುತ್ತೇವೆ ಎಂದು ಹೇಳುವ ಮೂಲಕ ಸಸ್ಯಾಹಾರ ಹೇರಿಕೆಯ ಭಯವನ್ನು ಹೋಗಲಾಡಿಸಲು ಪ್ರಯತ್ನಿಸಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ ಪುರ್ಬಾ ಮೇದಿನಿಪುರದಲ್ಲಿ ನಡೆದ ಪ್ರಚಾರ ಸಭೆಯಲ್ಲಿ ಬಂಗಾಳವನ್ನು ಮೀನು ಉತ್ಪಾದನೆಯಲ್ಲಿ ಸ್ವಾವಲಂಬಿಯನ್ನಾಗಿ ಮಾಡುವ ಭರವಸೆ ನೀಡಿದರು. ಇದರ ಬೆನ್ನಲ್ಲೇ ಅನುರಾಗ್ ಠಾಕೂರ್ ಮತ್ತು ಮನೋಜ್ ತಿವಾರಿ ಅವರಂತಹ ನಾಯಕರು ತಾವೂ ಬಂಗಾಳಿಗಳಂತೆ ಮೀನು ಪ್ರಿಯರು ಎಂದು ಸಾಬೀತುಪಡಿಸಲು ಸಾರ್ವಜನಿಕವಾಗಿ ಮಚ್ ಭಾತ್ (ಮೀನು-ಊಟ) ಸವಿಯುತ್ತಿದ್ದಾರೆ. ವಿಶೇಷವೆಂದರೆ, ಅನೇಕ ಬಂಗಾಳಿಗಳು ಮಾಂಸಾಹಾರ ತ್ಯಜಿಸುವ ಮಂಗಳವಾರದಂದೂ ಅನುರಾಗ್ ಠಾಕೂರ್ ಮೀನು ಸೇವಿಸುವ ಮೂಲಕ ಪಕ್ಷದ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ.

ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ, ಮಮತಾ ಬ್ಯಾನರ್ಜಿಗೆ ಬಹಿರಂಗ ಸವಾಲು ಹಾಕಿದ್ದು, ನನ್ನ ಜೊತೆ ಮೀನು ತಿನ್ನುವ ಸ್ಪರ್ಧೆಗೆ ಕುಳಿತುಕೊಳ್ಳಿ, ನಾನು ಇನ್ನೂ ಒಂದು ಕೆಜಿ ಹೆಚ್ಚು ತಿನ್ನುತ್ತೇನೆ ಎಂದಿದ್ದಾರೆ. ಇದು ಹಾಸ್ಯಸ್ಪದವಾಗಿ ಕಂಡರೂ, ಬಂಗಾಳದ ಮತದಾರರ ಆಹಾರದ ಹಕ್ಕಿನ ರಕ್ಷಣೆಯ ಭರವಸೆಯಾಗಿ ಬಿಜೆಪಿಗೆ ಗಂಭೀರ ವಿಷಯವಾಗಿದೆ.

ಒಟ್ಟಾರೆಯಾಗಿ, ಬಂಗಾಳದ ಚುನಾವಣೆಯಲ್ಲಿ ಮೀನು ಕೇವಲ ಆಹಾರವಾಗಿ ಉಳಿಯದೆ ಸಾಂಸ್ಕೃತಿಕ ಗುರುತು ಮತ್ತು ಅಸ್ತಿತ್ವದ ಹೋರಾಟವಾಗಿ ಮಾರ್ಪಟ್ಟಿದೆ. ಮತದಾರರು ಈ ಮೀನು ಪ್ರದರ್ಶನಕ್ಕೆ ಮರುಳಾಗುತ್ತಾರೆಯೇ ಅಥವಾ ನಿಜವಾದ ಸಮಸ್ಯೆಗಳನ್ನು ಗಮನಿಸುತ್ತಾರೆಯೇ ಎಂಬುದು ಮೇ 4 ರಂದು ತಿಳಿಯಲಿದೆ(ಏಜೆನ್ಸೀಸ್​​).